一个家庭是穷是富?看看这8张图就知道了Yvumkau dong wo eq myung shit paq a lvo ma wu e se be


家庭教育、家庭氛围,影响和决定着孩子一生的性格。家对于我们每个人来说,都很重要。一个家庭是穷是富,是好是坏,看看这8张图就知道了!

Yvumkau dong mvoqshit qo、yvumkau dong nyi ngon qo gi zoshang e byuze labyvat imyit ajvang qo ma shizvang mu doqdan byi le. Yvumkau dong gi nganvung yuqzhup mai le daigvat zhang, zhaq aqak midung dik le. Yvumkau lalvum ma wo awo, ge age gi xi 8 lvum sumla lvo ma wu zhang wu se be!

1

好家庭:Ge e yvumkau

Dang lago wo nyo rot lvum le. ge e yvumkau ma, mowui gvut bang zoshang eq dang lago nyo lvum le, anum num zoshang e myitzong gan wu sidiq byi nyi le, mangkang tunghui gvilvang mvoqdvan za gvut angvut, zoshang ri zho e dong mangkang lazhang nyan tuqbang girum cuq byi gvut le. Xisu e yvumkau ma gi yuqzhup dat nyi ngon le, mo eq zo ri bvinvuq bvinvem zhe zhvitlvum le.

积极的对话,有效的沟通。好的家庭,父母善于与孩子沟通,时常注意孩子的状态,遇到问题也不会只是批评责骂,会帮助孩子建立自己正确处理问题的方式。这样的家庭氛围,所有人都会很舒服,亲子关系更加亲密。

坏家庭:Age e yvumkau

Dang lago awo nyo rot lvum. age e yvumkau ma, anum num dang awo nyo rot lvum mu, age qo myo dik be. Dang sumkun awo nyo zhe lvum eq dang ajvang wui dik gvut shit toq lo be, zhe gi agvam nyo rot lvum gvut shit toq lo le, zoshang e dai koq jvo eq myit e qo ri ajo yu e, agon bat nvikyo gvut le.

消极的对话,沟通不顺畅。坏的家庭,时常是缺乏沟通、负能量爆棚的。三句话不到就出语言暴力,甚至拒绝沟通,不听孩子的解释与想法、粗暴地打骂。

2

好家庭:Ge e yvumkau

Ge e yvumkau ma imyit nyi ngon le, ka ma nyi wun gvilvang, yvum ma myit zhe gvat zhang, wum-o bo dik mu eq shigut myit bo dik le.

感到安全和舒适。好的家庭让人感到自在温暖,无论在哪里,只要想到家,就充满了无穷的力量和斗志。

坏家庭:Age e yvumkau

Myiit gvat eq imyit myitjuq mu le. Age e yvumkau ma myit gvat eq son juq mu eq nyi angon dut le, imyit ma kamyvo myung gvolvang, imyit no zhang ma gi agvam dvau lo e ngvut le.Ge e yvumkau ma no dat ya ge byi le, age e yvumkau ma joq zhum gung ma ngvan lvuq byi le.

感到紧张和害怕。坏家庭让人畏惧和不安,是那个就算心里再苦,也不愿回去的伤心地。好家庭会疗伤,坏家庭雪上加霜。

3

好家庭:Ge e yvumkau

Qeon zhvungzhvuq byi qo zhaq myo le. Ge e yvumkau zoshang e myit wum-o bo qo myang zhang zoshang ri dat qeon zhvungzhvuq byi gvut le, da kangmo qeon zhvungzhvuq myang yu zhang zoshang gi lumzhing myit gvo lvuq dik le.

很多赞美表扬。好家庭能看到孩子身上的潜力和特质,并对孩子进行及时嘉奖,每一次回馈都让孩子信心大增。

坏家庭:Age e yvumkau

Mvoqdvan jvuq qo eq nvikyo qo myo le. Age e yvumkau ma woq-u kau ma showui pe ho gvut nau dik le, lazvui zo ma awu nau dut zhang zoshang ri hai zhvung azum ga dai byvam gvut le, hauzhang zoshang e myitwum lvoq qui byi mu eq, yvangbau shigut zhang amyang ho e su zhe ga le.

多批评和指责。坏家庭喜欢吹毛求疵,对一个地方不满意,就全盘否定孩子,削弱孩子自信心,越发让他感到前途迷茫,孤立无援。

4

好家庭:Ge e yvumkau

Anum num zhvit qo shit toq jvo le. Ge e yvumkau ma kanvam kama ri zoshang ri anu awa gi yvang ri kamyvo lvang zhvitdik le ga daijvo le, yvang ri yvangbau diqa dut e jo se nvang gvut, su eq wu ngui e byu ngvut le, zoshang gi mu lvoqshut gvat gvolvang, mowui gvut bang eq dubyvam gvut e imyit adat bo, adviq za mai myit mu myit gan cuq ge dvo man be, zhvit e wum-o mvoqtoq dvo byi be.

经常表达爱。好的家庭随时随地向孩子诉说爸爸妈妈有多爱他,让他感到他是特别的,独一无二的,被人珍视的,即使孩子犯错了,也不会觉得因此会被父母抛弃,从小就建立起了安全感,培养出了爱的能力。

坏家庭:Age e yvumkau

Zhvit ri haq lvung dvo gvut le. Age e yvumkau ma zhvit ri haq lvung dvo gvut le, zhe gi zhvit ri ngan dut le. Mowui gvut bang zoshang ri zhvit qo shit toq jvo e shau dik le, azhu angui, nvikyo nvikdvat gvut le.Aqing zhe myang zhe gi, zoshang e myitte kau myitno dam myo dik le, myit mu myit gan ngan mu eq, mo eq zo zhe ri zhe nyi we lvum dut le.

把爱藏起来。坏的家庭,会把爱隐藏起来,甚至缺乏爱。父母很少对孩子表达爱意,冷漠、粗暴。久而久之,孩子的内心就会有很多创伤,缺乏安全感,亲子关系疏远。

5

好家庭:Ge e yvumkau

Gung eq qo shit, gung eq mvoqshit qo gi nvut eq daishit toq ma lai le. Ge e yvumkau ma gung eq mvoqshit qo zhe aqak e dong mai gvut shit le, mowui gvut bang gung eq qo shit mu, zoshang ri jvetjvet imyit eq gegun paushuq yu shit toq gvut le, yvang ri wu mvoq yu nvang qo tuqbyi dvo gvut le, zoshang ri yvumsing lvang awo gvut zhe mu adat zhvin gvut nvang, dai za agvut.

以身作则,身教重于言传。好家庭会把身教放在突出地位,父母以身作则,为孩子主动做出积极的榜样示范,供他观察和学习,不会过度要求孩子去做自己都做不到的事情,不会只说不做;

坏家庭:Age e yvumkau

Jicheq jidvang gvut e nvikyo dong mai zoshang ri mvoqgon gvut le. Age e yvumkau ma mvoqshit zhvumkat eq tangdang byi qo myo dik le, mowui gvut bang yvumsing lvang awo gvut zhe mu ri zoshang gung ma zhvin gvut nvang gvut le, dum ngvutzhang danggve mai zoshang awo gvut zhe zhang gi bat nvikyo jvop gvut le. Mowui gvut bang anum num yvumsing myit dvo e mai milai gvut le, zoshang ri qo ri adong e qo ma dvik lvung gvat le, yvumsing gvut e age qo gi kanvam amyit wu gvut le.

用大呼小叫的粗暴方式管教孩子。坏家庭充满了教条和控制,父母把很多自己做不到的事情,都强加在孩子身上,并且如果孩子做不到,就是打骂相加。父母通常霸道强势,说一不二,把孩子逼进死胡同,从不思考自己的问题。

6

好家庭:Ge e yvum kau

Mowui gvut bang aqing lago chung ge mu, zoshang eq ganzvang myvang dong mai numnang gvut byinzum byi gvun le. Ge e yvumkau ma zoshang ri imyit lakat za gvut numnang byinzum gvut qo aqak midung gvut le, mowui gvut bang anum num zoshang ri wu migum byi nyi gvut le, ngvut gvolvang midu lai azheq pyeq byi, mo eq zo nyi gvun aqing lazhvum bo e dong dat shui nyi ngon gvun gvut le.

父母倾注时间,给孩子高质量陪伴。好的家庭,非常重视对孩子全心全意地陪伴,父母时刻关注着孩子,但又不过度干涉,把亲子时光过得丰富多彩有意义;

坏家庭:Age e yvumkau

Shidaq shui nyi gvun  e aqing eq numnang gvut e aqing shau dik le. Age e yvumkau ma anum num mo eq zo nyi gvun aqing gi yvumsing bau nyi gvun aqing gvut tai byvam le, yvumbyu shidaq zangzo kun laha chom gun zo lvum e mai, shidaq nyo rot lvum gvun e aqing gi agvom dong dut dvo le, diqa zhe gi iwa wui, azhung zhung alvo mo dong mai zoshang byvat gvo lo qo ma abilom byi gvut le.

很少互动与陪伴。坏的家庭常常牺牲亲子时间换自己的自由时间,家庭成员之间除了吃饭,几乎处在零交流状态,尤其是爸爸们,以各种冠冕堂皇的理由缺席孩子的童年成长。

7

好家庭:Ge e yvumkau

Yvumsing myit su ngam e qo wam byvo toq gvut le. Ge e yvumkau ma myit ponglam le, mowui gvut bang zoshang ra e qo eq myit su ngam qo jo yu byi gvut le, hau mai gi zoshang ri myomyo e myittoq qo daijvo mu eq qo dvunshit gvut le.

公开谈论自己的感受。一个好的家庭,是开放的,父母愿意聆听孩子的需求和感受,让孩子自在表达自己的主观感觉,并给孩子更多的建议和指导。

坏家庭:Age e yvumkau

Yvumsing myit su ngam e qo eq myittoq e qo amyang shit toq jvo dut le. Age e yvumkau ma mowui gvut bang e dang za jo ra dut le, alumzhing zhang eq myi nau e mangkang age bo, zoshang e myitte nungnvang dik le, dang dai qo ri lvom dvo byi gvut e zhang myo dik be.

感受和想法不能表达。坏的家庭气氛阴沉,孩子必须唯父母是从,不准质疑和提问,孩子内心过得压抑,语言表达能力也受到极大限制。

8

好家庭:Ge e yvumkau

Qeon wum-o byi qo midung gvut le. Ge e yvumkau ma zoshang myit angon e tunghui dvo zhang, tuqbang girum byi e loq nyvun toq gvat le, lagvam gvam le yakkak shigut lai gvut ra wum-o tuqbyi gvut le.

鼓励为主。好的家庭会在孩子失意时,伸出援助之手,鼓励他一步步克服困难,闯过难关。

坏家庭:Age e yvumkau

Mira hun byi qo ri midung gvut le. Age e yvumkau ma lunzo lunshuq yu toq nau gvut le, zoshang mu lvoqshut zhang, kasu mu ngvut e ri amyi se wu e, mira hun mo hun byi dvikdvik, hau mai zoshang e myitte ma gi yvoyvo mai juqmyit za bo bum be.

惩罚为主。坏家庭崇尚武力,对孩子的错误,不分青红皂白,严厉惩罚,孩子的内心慢慢被恐惧占据。

什么样的家庭,培养出什么样的孩子,以上八张图片,为我们清晰揭示了好家庭是怎样造就优秀孩子,坏家庭是如何毁掉孩子。

Kasu e yvumkau ma kasu e zoshang mvoqtoq lo le, atoq ma 8zhung sumla lvo mai nganvung myoqmyang rotrot daishit jvo dvo ra, ge e yvumkau dong gi ge e zoshang kasu mvoqtoq e, age e yvumkau dong gi zoshang ri kasu kilaq lvoqten byvam e qo.

希望我们都倾尽全力做个正能量父母,建造一个正能量家庭,让孩子生活在快乐舒服的乐园里,自由自在地幸福成长。

Gegun paushuq yu e mowui gvut mu, zoshang ri myitngon nyingon e yvumkau cuq dvo byi lui, zoshang wui ri nguingon gvur gvo lo nvang shang!

转载:德宏团结报载瓦文 载瓦Ora